Хӗрарӑмсен "Рубинӗ" Мускаври ЦСКА-на пысӑк шутпа выляса янӑ

Пӗлтӗр Раҫҫей чемпионӗсем пулса тӑнӑ ҫар футболисткисем Хусанти вылякансенчен вӑййӑн кашни компонентӗнче вӑйлӑрах пулнӑ. 

Матч пынӑ хушӑра "Рубин" мечӗкпе хуҫасен хапхи патне темиҫе хутчен кӑна ҫитме пултарнӑ. Пирӗннисем мускавсен хапхине пӗр хутчен тапса курнӑ, ӑна та кӗртеймен.

Табло ҫинчи шут савӑнтармасть: ЦСКА майлӑ 7:0.

Икӗ тур хыҫҫӑн "Рубин" активӗнче очкосем ҫук, кӗртнӗ голсем ҫук, пире хирӗҫ вылякансем вара тӑхӑр мечӗк кӗртме пултарнӑ. Хальлӗхе хусансем хӗрарӑмсен футбол Суперлигинче юлашки 10-мӗш вырӑн йышӑнаҫҫӗ.