Хусан йӗри-тавра сиенлӗ пултăранпа кӗрешеççӗ
Сосновский пултăранне советсен саманинче ӗнесене çитерме тесе ӳстерме тытăннă пулнă. Ӗнесем ăна çинӗ, анчах та сӗт çине çак курăк начар витӗм кӳнӗрен, ку пуçарăва часрах пăрахăçалнă. Сосновский пултăранӗ агрессивлă ӳсен-тăран. Икӗ метр çӳллӗш ӳсет. Унăн сӗткенӗ ӳте çунтарать. Вăтамран илсен пӗр тӗпрен 70 пине яхăн вăрă тухать, вӗсем çӗрте 5-15 çул упранаççӗ, çавăнпа та унпа кӗрешме çăмăлах мар.
Хальхи вăхăтра Çӳльту, Пестрецы районӗсенче çак курăк йышлă.
«Пестрецы ял хутлăхӗнче 12 гектар çинче, Шăхаль ял хутлăхӗнче 50 гектар, Кощаковора – 2 гектар, Ленино-Кокушкинора 3,5 гектар çӗр çинче пултăрана механизацилесе тата алă вӗççӗн çулаççӗ. Хальхи вăхăтра тата пӗчӗк участоксенче пултăрана тӗплеççӗ», – тесе пӗлтернӗ Пестрецы райадминистрацийӗн пресс-секретарӗ Ляйсан Мифтахова.
Пестрецы районӗнче сиен курăка пӗтерес тесе хими тытăмӗсемпе усă курмаççӗ. Кунта пултăран юханшывсен хӗрринче ӳсет, наркăмăшпа усă курсан, шыври фаунăна сиен кӳме пулать.
Следите за самым важным и интересным в Telegram-каналеТатмедиа
Нет комментариев