Хусанти чӑвашсем Туслӑх парадне хутшӑнчӗҫ

 Тутарстанри чӑвашсем Пӗтӗмраҫҫейри "Раҫҫей халӑхӗсен туслӑхӗн парачӗ" акцине хутшӑнчӗҫ. 

Унта ТР Президенчӗ Рустам Минниханов та, министрсем те хутшӑнчӗҫ. "Туслах парадне" ТР Ҫамрӑксен ассамблеи пуҫарнипе ирттереҫҫӗ. 

Тӗрлӗ халӑх хӑйсен наци тумӗсене тӑхӑнса колоннӑра утаҫҫӗ. Дмитрий Самаренкин ертсе пыракан чӑвашсен ушкӑнӗнче "Аталан" ҫамрӑксен пӗрлешӗвӗн хастарӗсем, Хусанти "Салам" ансамбле юрлама ҫӳрекенсем, "Сувар" хаҫат редакцийӗнче тӑрӑшакансем пулчӗҫ. 

Раҫҫей кунне кӑҫал хусансем Кремль ҫывӑхӗнчи ҫыран хӗрринче ирттерчӗҫ.