Хусанта чăвашла юрлакансен Гала-концерчӗ пулать

Ыран Хусанта Халăхсен Туслăхӗн çуртӗнче «Юрла-чăвашла» юрă конкурсӗн пӗтӗмлетӳ Гала-концецрчӗ иртет. Тутарстанри Чăваш наципе культура автономийӗ йӗркелесе ирттерекен конкурса фольклор ушкăнӗсенчен, вокал ансамблӗсенчен, дуэтсемпе триосенчен, уйрăм юрлакансенчен 146 заявка килнӗ, вӗсенчен конкурс комиссийӗ финал валли 10 юрă суйласа илнӗ.  Гала-концерта Теччӗ, Аксу, Çӗпрел, Лайăш, Нурлат, Çарăмсан районӗсен тата Хусанпа Çырчалли хулисен представителӗсем хутшăнаççӗ. Вăл еплерех иртнине тата çӗнтерӳçӗсем çинчен çывăх кунсенче çырса пӗлтерӗпӗр.