Хӗвел хӗртнӗ вӑхӑтра Тӑхӑрьялта хӗрсе тырӑ выраҫҫӗ

"Ак Барс" холдингӑн "Заря" агрофирминче ӗҫлекенсем ӗлкӗрнӗ хирсене тӳрех 9 комбайнпа вырма тытӑнаҫҫӗ.

Кивӗ Пӑрӑнтӑк ҫывӑхӗнчи ыраш хирӗ пӗчӗк мар, анчах та кӗрхи культура кӑҫал ӳсеймен. Ют ҫӗршыв комбайнӗн 6 тоннӑ кӗртекен бункерне тултарма хирте 3 ҫаврӑм тумалла.
– Ку вӑл сахалтан та 4 гектар ҫурӑ, – тет хирти тырра йӗтеме ӑсатакан Иван Атаев. – Ыраш пучахӗсем пӗчӗкҫӗ, пӗлтӗрхин ҫурри кӑна. Ҫӗнӗ тырӑ хаклӑ пулать.