Конгресс ҫулталӑка пӗтӗмлетесшӗн
Астăвăмпа мухтав çулӗнче Чăваш наци конгресӗ мӗнлерех ӗçсем палăртнине, вӗсене тивӗçлӗ шайра ирттерессине те пăхса тухӗç
Чăваш наци конгресӗн Мăн Канашӗн ларăвне мартăн 20-мӗшӗнче ирттерме палăртнă. Конгресс Уставӗпе килӗшӳллӗн, Мăн Канаш кашни çул пӗрре пухăнать. 2017 çулхи юпа уйăхӗнче иртнӗ Х Аслă Пухура Мăн Канаша Чăваш Енре, çӗршывăн тӗрлӗ регионӗсенче тата ют çӗршывра пурăнакан çӗр ытла хастар йăхташа суйланă. Кăçал Чăваш Республикин 100 çулне, Тăван çӗршывăн Аслă вăрçинче çӗнтернӗренпе 75 çул çитнине уявланă май, Мăн Канаш ларăвӗн пӗлтерӗшӗ тата та ӳсет.
Ларура Чăваш наци конгресӗ 2019 çулта туса ирттернӗ ӗçсем тата Чăваш автономийӗ йӗркеленнӗренпе 100 çул çитнӗ çулталăкра патшалăхăн наци политикин тӗллевӗсене пурнăçласси çинчен сӳтсе явӗç. 2020 çулхи Раççей çыравӗн (перепись) тӗллевӗсем тата общество организацийӗсем çак тӗлӗшпе халăхра ăнлантару ӗçӗсем ирттересси пирки калаçӗç. Астăвăмпа мухтав çулӗнче Чăваш наци конгресӗ мӗнлерех ӗçсем палăртнине, вӗсене тивӗçлӗ шайра ирттерессине те пăхса тухӗç. Раççей регионӗсенче тата ют çӗршывсенче пурăнакан Мăн Канаш пайташӗсене пуш уйăхӗн 20-мӗшӗнче Шупашкара килме йыхрав яратпăр.
ЧНК Ӗçтӑвкомӗ, пресс-служби.
Следите за самым важным и интересным в Telegram-канале Татмедиа
