Сувар

Коронавирус инфекцийӗ Раççейре хумсемпе çӳрет

Виççӗмӗш хумӗ çуркунне пулчӗ тесен, тăваттăмӗшӗ унран та хăватлăрах иккенне халӗ пурте куратпăр. Паянхи куна Тутарстанра 252 çынра коронавирус инфекцине тупнă. 46 çынна госпитализациленӗ, 206-шӗ килте сипленеççӗ.

Больницана выртнисене те –  сывлăхӗ лайăхланма тытăнсанах килӗсене сипленме ăсатаççӗ. Мӗншӗн тесен пушă койкăсен фончӗ – тухтăрсем чирпе еплерех кӗрешнин кăтартăвӗсен шутне кӗрет.

Йышлă кăтартусем яланхи пекех Хусанпа Çырчаллинче. Чистайра 10, Анат Камăра, Пӗкӗлмере 7-шер, Элметпе Çӳльту тата Теччӗ районӗсенче пилӗшкер çын чирленӗ.   

Коронавирусăн тăваттăмӗш хумӗ Раççейшӗн хальлӗхе чи йывăрри. Çӗршывра юлашки талкăра 39 160 çынна Covid-19 чирлет тесе диагноз лартнă.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: