Коронавирусӑн канмалли кун ҫук

Кашни кун ҫӗнӗ пандемипе кӗрешес фронтри статистика килсе тӑрать пирӗн пата. Врачсемпе санитарсем хӑйсене хӗрхнмесӗр кӗрешеҫҫӗ куҫа курӑнман тӑшманпа.

Паянхи кун Тутарстанра коронавирус инфекцине 47 ҫын ертни ҫинчен пӗлтереҫҫӗ медиксем. 11 ҫынна госпитализациленӗ, 36-шне сипленме килӗсене ӑсатнӑ.
Чирленисенчен 21-шӗ Хусантан, 5-шӗ Нурлатран, Саба районӗнче те ҫавӑн чухлӗ ҫынах чирленӗ. Балтаси районӗнче Covid-19 виҫӗ ҫынна ернӗ, Ҫӗпрел, Лайӑш, Спасски, Чистай районӗсенче икшер, Павлӑ, Пӗкӗлме, Кайпӑҫ, Ҫӗнӗ Шуҫӑм, Теччӗ районӗсенче – пӗрер ҫынна.
Ноябрӗн 4-мӗшӗ тӗлне Тутарстанра Covid-19 8596 ҫынна ернӗ. 7644 ҫын сывалнӑ, ҫав шутра 38-ӑн иртнӗ талӑкра.