Космосри çулçӳрев
Космонавтика кунне халалласа П. В. Дементьев музейенсе Çӗнӗ Упири 6-мӗш класра вӗренекенсемпе «Космос çулçӳревӗ» квест-вӑйӑ ирттертӗмӗр. Вӑйӑ пуçланиччен ачасем «Марсиансем» тата «Инопланетянсем» командӑсем çине пайланчӗç.
Космос заданийӗсем илсе станцисем тӑрӑх «çул çӳрерӗç». «Планетӑсем», «Сӑнӳкерчӗксем», «Космонавт», «Ыйту-хурав», «Сăмахкаçмăш» станцисем витӗр тухрӗç.
Вӑйӑра ачасем тавçӑрулӑхне, шухӑш хӑвӑртлӑхне палӑртрӗç, космонавтика историне пӗлнине çутатрӗç.
Командӑсем планетӑсене, космонавтсене пӗлнине, спортпа туслӑ пулмаллине çирӗплетрӗç, парнесене тивӗçрӗç.
Çакна калас килет: ачасем космонавтика историне лайăх пӗлеççӗ, апла пулсан кӑсӑкланаççӗ, вулаççӗ. Çакă пире, аслисене, питӗ савăнтарать.
Юрий АДЪЮТАНТОВ.
Çӗпрел районӗ,
Çӗнӗ Упи.
Автор сăнӳкерчӗкӗсем.
Следите за самым важным и интересным в Telegram-каналеТатмедиа
Нет комментариев