Лайӑх специалистсем хаклӑ тӑраҫҫӗ

 Автохулана республикӑри грант программипе килекен врачсене хушса тӳлӗҫ. Программа ӗҫлеме пуҫланӑранпа Ҫырчаллине 300 врач куҫса килнӗ.

Хула мэрӗ Наиль Магдеев пӗлтернӗ тӑрӑх, ҫак гранта илсе Тутарстана килекенсенчен ҫурри Ҫырчаллинче тӗпленеҫҫӗ. Ку ахальтен мар. Вӗсене автохулан муниципаллӑ бюджет шутӗнчен тӳрех 100 пин тенкӗлӗх матпомощь параҫҫӗ. 

"Эпир тӳлевсен калӑпӑшне 200 пин тенкӗ таран ӳстерес терӗмӗр. Хула бюджетӗнчен ҫак тӗллевсене 10,5 млн тенкӗ уйӑрнӑ. Эпир ҫак тӑкаксене ятарласа тӑватпӑр. Ҫынсен пурнӑҫӗпе сывлӑхӗнчен хаклӑраххи нимӗн те ҫук. Сывлӑх сызлав тытӑмӗнче кадр дефицитне чакарас тӗлӗшпе, хула тӗрлӗ меслетсемпе усӑ курать", – тесе палӑртнӑ Магдеев.