Сувар

Леонид Черкесова пысӑк вырӑна суйласа лартма пултараҫҫӗ

Чӑваш Республикин Патшалӑх Канашӗн ҫиччӗмӗш пухӑвне ултӑ парти иртнӗ. Иртнӗ пухӑва тӑватӑ парти кӑна кӗнӗ пулнӑ. Кӑҫал 4 парламент партийӗсӗр пуҫне ЧР Патшалӑх Канашне Пенсионерсен партийӗпе "Ҫӗнӗ ҫынсем" 5 процентлӑ барьертан иртсе чӑваш парламентне кӗме пултарнӑ.

Парти списокӗсемпе "Пӗрлехи Раҫҫей" 34,69 % сасӑ пухнӑ, КПРФ партийӗшӗн 21,35 % суйлакан сасӑ панӑ. Виҫҫӗмӗш вырӑнта «Справедливая Россия», уншӑн суйлав участокӗсене килнӗ ҫынсен 15,13% сасӑланӑ. ЛДПР 12,84% сасӑ пухнӑ, Пенсионерсен партийӗ 6,94 %, "Ҫӗнӗ ҫынсем" – 5,93%. Ытти партисем 5 процентлӑ барьертан иртеймен.

Аван уйӑхӗн 27-мӗшӗнче «Пӗрлӗхлӗ Раҫҫей» парти Шупашкар мэрӗ, РФ Патшалӑх Думин депутачӗ пулнӑ, халӗ ЧР Халӑхсен Ассамблеин ертӳçиинче ӗҫлекен Леонид Черкесова ЧР Патшалӑх Канашӗн председательне лартма сӗннӗ, тесе пӗлтерет chuvash.org сайт.
Паян, авӑн уйӑхӗн 29-мӗшӗнче, Патшалӑх Канашӗн ҫиччӗмӗш пкхӑвӗн пӗрремӗш сессийӗ пулать. Шӑпах унта председателе, унӑн ҫумне, комитетсен председательне, аппарт ертӳҫине, Чӑваш Ен сенаторӗсене суйлӗҫ. Патшалӑх Канашӗн депутачӗсенчен ытларахӑшӗ – 30-шӗ – «Пӗрлӗхлӗ Раҫҫей» парти пайташӗсем. Ҫавна май Леонид Черкесовӑн председатель пулас шанчӑк пысӑк.
Аса илтеретпӗр, ытти должноҫсемпе пӗрле Леонид Черкесов РФ ЧНКА Канашӗн Председателӗ шутланать. Вӑл ЧР Патшалӑх Канашне ертсе пыма тытӑнсан регионсенчи чӑваш пӗрлешӗвӗсен пуҫлӑхӗсем савӑнаҫҫӗ ҫеҫ.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: