"Ҫӑлтӑрсен" ҫӑлтӑр чирӗ ҫук

Тюменьри "Ҫӑлтӑрсем" эстрада дуэчӗ 5-"ре. Ольга Дмитриева тата Анастасия Анисимова хулара ӳснӗ чӑваш хӗрӗсем. Вӗсем тӑван чӗлхепе калаҫсах каймаҫҫӗ. Анчах чӑвашла юрлама-ташлама тесен – тытса чарма ҫук. Хӑйсен пултарулӑхӗпе "Ҫӑлтӑрсем" Тюмень тӑрӑхӗнчи чылай вырӑсланма пуҫланӑ чӑваша тӗслӗх кӑтартаҫҫӗ. Чун туртӑмӗпе вӗсем тӗрлӗрен конкурссем, викторинӑсем ирттереҫҫӗ, хулари "Ентеш" пӗрлешӗвӗн мероприятийӗсенче хутшӑнса илем кӳреҫҫӗ. "Ҫӑлтӑрсен" репертуарӗ чуна ҫывӑх паллӑ чӑваш юррисенчен тӑрать, ҫавӑнпа вӗсене халӑх юратать те.