Марат Садыков сӑмахӗсемпе амбулаторисенчи врачсем вӑрҫӑ вӑхӑтӗнчи пек ӗҫленӗ

Тутарстан федераци шайӗнче поликлиникӑсенче ӗҫлекенсен шалӑвне ӳстерме сӗнет.

Ҫакӑн ҫинчен Хусанти Сывлӑх сыхлав управленийӗн пӗтӗмлетӳ коллегийӗнче ТР сывлӑх сыхлав министрӗ Марат Садыков каланӑ.

Министр сӑмахӗсемпе, пандеми поликлиникӑсенчи медиксен ӗҫӗ мӗнлерех кирлӗ тата пӗлтерӗшлӗ пулнине кӑтартнӑ. Больницасенчен чылайӑшне вӑхӑтлӑх инфекци госпиталӗсене ҫавӑрнине пула халӑхпа ӗҫлес тӗп йывӑрлӑхран поликлиникӑсенче ӗҫлекенсен хулпуҫҫийӗсем ҫине выртнӑ.

"Эпир пӗрремӗшле сеть тытӑмне тӗпрен улӑштарма сӗнетпӗр. Эпир ҫӗнӗ поликлиника тӑвасшӑн. Ӗҫ укҫине икӗ хут ӳстермеллине шута илсен, ыйтусем ҫивӗч тӑраҫҫӗ",– тесе палӑртнӑ Садыков. 

Министерство пуҫлӑхӗн сӑмахӗсемпе, амбулаторисенчи врачсем вӑрҫӑ вӑхӑтӗнчи пек ӗҫленӗ. Вӗсен ӗҫӗн пахалӑхӗнчен нумай килет.