Маска режимне тӗрӗслекенсем стройкӑсене те ҫитеҫҫӗ

Паянхи куна маска режимӗпе тӗрӗслев иртнӗ объектсен шучӗ 1014 ҫитнӗ. Ун тӑрӑх 30 административлӑ ӗҫ пуҫарнӑ, вӗсенчен 6-шне суда ҫитернӗ.
Застройщиксене Тутарстан ертӳҫин Рустам Миннихановӑн хушӑвӗпе тӗрӗсленӗ. Площадкӑсенче ӗҫлекенсем ҫинче маскӑсем Пулмасан Патшалӑх стройнадзор специалисчӗсем РФ КоАПӗн 20.6.1 статйипе административлӑ протокол ҫыраҫҫӗ.
Ведомствора аса илтернӗ тӑрӑх, уйрӑм ҫынсем йӗркене пӑссан, вӗсене асӑрхаттарма е 1 пин тенкӗрен пуҫласа 30 пин тенкӗ таранччен штраф пама пултараҫҫӗ. Должноҫри ҫынсене 10-50пин тенкӗ штраф кӗтет. Уйрӑм предпринимательсене 30-50 пин тенкӗ штраф параҫҫӗ, юридици сӑпачӗсене 100-300 пин тенкӗ.