Милӗке Питравччен çыхаççӗ

Мероприяти клуб умӗнче иртрӗ. Хутшăнакансенчен кашниех чăваш наци тумӗсемпеччӗ. Унта авалхи йӑла-йӗркесене кӑтартрӗç, мунча валли тӗрлӗ милӗк (çӑка, хурӑн тата юман) çыхрӗç, акачăран кил-картише шӑлмалли шӑпӑр та хатӗрлерӗç.

Ку ӗçсене яланах Питрав кунӗ умӗн туса ирттернӗ, çавăн пекех курӑк та çулнă, мӗншӗн тесен Питрав иртсен курӑк хытма пуçланӑ. Çавасене малтанах туптаса, хăйраса хунă. Курӑк ирхи сывлăмпа лайăх çулăннă, çавăнпа ир-ирех, пахчана е хире утă çулма тухнă.

Пирӗн «Улах» тутлă шăршăллă курăксенчен вӗретнӗ чей ӗçнипе вӗçленчӗ. (Ольга ПЕТУХОВА. Автор сăнӳкерчӗкӗсем).