Минниханов пульницасене тӗрӗслecе ҫӳрет

Лайӑх хатӗрленнӗ-и эпир вируса кӗтсе илме? Ҫак ыйту нумайӑшне хумхантарать.

Тутарстан Президенчӗ Рустам Минниханов коронавируспа чирлисен шучӗ ӳсес пулсан, вӗсене ӑҫта вырнаҫтарассине ТР сывлӑх сыхлав министрӗпе Марат Садыковпа пӗрле тӗрӗсленӗ.
Паян республика пуҫлӑхӗ Хусанти 7 № клиника пульницине ҫитсе курнӑ, унта кӗске вӑхӑт хушшинче - 6 сехетре - 150 хушма вырӑн йӗркеленӗ.
ТР сывлăх сыхлав министрӗн Марат Садыковӑн сӑмахӗсемпе, коронавируспа чирлисене вырнаҫтарас пулсан регионри плансемпе республикӑра медиксем 3,8 пин хушма койкӑ-вырӑн хатӗрлесе хураҫҫӗ. Хусансӑр пуҫне хушма койкӑсем кашни район пульницин инфекци уйрӑмӗсенче пулаҫҫӗ.

Минниханов ку ӗҫсене пульницасенче урӑх енӗпе сипленекенсем валли чӑрмав ан пултӑр тесе ирттермелли ҫинчен асӑрхаттарнӑ.
Садыков сӑмахӗсемпе инфекционистсене ытти медперсонал та тӗрев пама хатӗр.
"Медицина ӗҫченӗсем халӗ передовойра, пирӗн ҫынсен сывлӑхне упраҫҫӗ. Хӑйсен сывлӑхне шеллемесӗр пирӗн сывлӑхшӑн тӑрӑшаҫҫӗ. Эпир вӗсене тав тумалла! Вӗсене пархатарлӑ пулса ҫывӑх эрнере килте юлмалла,– палӑртнӑ ТР Президенчӗ.