Сувар

Мускава машинапа 6 сехет ҫурӑра

М-12 трассӑра кашни енне сахалтан та икӗ полоса пулать, тӑршшӗпех ҫутӑ тӑсаҫҫӗ. Ҫӳреме юранӑ чи пысӑк хӑвӑртлӑх сехете 130 км пулать

Тӑватӑ ҫултан Хусантан Мускава автомобилистсем ултӑ сехет ҫурӑра ҫитме пултарӗҫ. Федераллӑ влаҫсем шӑпах 4 ҫул уйӑрнӑ ҫак пысӑк хӑвӑртлӑхлӑ М-12 магистраль тума. Паянхи кун вӑл Раҫҫейри чи пысӑк ҫул проекчӗ. 

М-12 ҫула тума пуҫлама РФ Премьер-министрӗ Михаил Мишустин июлӗн 10-мӗшӗнче "Алабугара" иртнӗ канашлура хушнӑ. Сӑмах май, строительство вӑхӑтне 8 ҫултан 4 ҫула ҫити чакарнӑ. Сентябрӗн 10-мӗшӗ тӗлне
подрядчиксен хушшинче конкурссем вӗҫленмелле, ноябрӗн 10-мӗшӗччен территорисен планировкипе мӗнпур документа йӗркене кӗртмелле. "Автодор" патшалӑх компанийӗнче лартнӑ задачӑна пурнӑҫлама пулать тесе шутлаҫҫӗ.
Мускав–Хусан М-12 трассӑн проектне Раҫҫейӗн манмстральлӗ инфраструктурине сарас 2024 ҫулчченхи комплекслӑ плана кӗртнӗ, вӑл 8,5 пин километра тӑсӑлакан "Европа–Хӗвеланӑҫ Китай" транспорт коридорӗн пӗр пайӗ пулать. Ҫак ҫул нимӗҫсен Гамбургӗнчен пуҫланса китайсен Шанхайне ҫити пулӗ.
Ҫакнашкал пысӑк проектсем экономика кризисӗсенчен тухмалли чи лайӑх меслет. Ҫул регионсен аталанӑвӗн никӗсӗ пулса тӑрать. Экспертсен шучӗпе проект пурнӑҫланнинчен чи пысӑк экономика эффектне шӑпах пирӗн республика илет.
М-12 трассӑра кашни енне сахалтан та икӗ полоса пулать, тӑршшӗпех ҫутӑ тӑсаҫҫӗ. Ҫӳреме юранӑ чи пысӑк хӑвӑртлӑх сехете 130 км пулать. Автомобильсен хирӗҫле юхӑмӗсене барьерпа уйӑраҫҫӗ. 

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: