Ҫӗнӗ митрополит Урал енчен килет

Иртнӗ уйӑхра Феофан владыка сасартӑк коронавирусран вилсе кайнӑ хыҫҫӑн ун вырӑнне кам йышӑнасси нумайӑшне канӑҫ памарӗ-тӗр. Митрополит тивӗҫӗсене вӑхӑтлӑх Мари Эл митрополийӗн ертӳҫи Иоанн пурнӑҫласа пынӑ. 

Паян Вырӑс православи чиркӗвӗн Священный Синочӗ канашлу ирттернӗ. Ӑна Мускав тата Пӗтӗм Руҫ патриархӗ Кирил ертсе пынӑ. Тутарстан митрополийӗн пуҫлӑхне Екатеринбург митрополитне Кирилла лартнӑ. 

Канашлу онлайн-меслетпе иртнӗ.