Октябрӗн 20-мӗшӗччен çырăнсан – 74 тенкӗ те 58 пус йӳнӗрех!

Хаклă вулаканăмăрсем!

Октябрӗн 3-20-мӗшӗсенче Раççей Почти çырăнтару декади ирттерет. Çак тапхăрта çырăнтару декадине хутшăнакан пичет кăларăмӗсене 2020 çулăн 1-мӗш çур çулӗнче илсе тăма самай йӳнӗрех хакпа çырăнма май пур. Сиртен нумайăшӗ çак майпа усă курасса редакцире ӗçлекенсен çав тери шанаççӗ. 

Декада вӗçлениччен пӗр эрнерен те сахалрах кунсем юлчӗç, шутлă кун вăл хăвăрт иртет. Тепӗр тунтикунтанах, октябрӗн 21-мӗшӗнчен, хаçат хакӗ каллех 630 тенкӗ пулӗ.  Çавăнпа та «Сувара» 555 тенкӗ те 42 пуспа çырăнса ӗлкӗрме вăхăт пур-ха, хисеплӗ вулаканăмăр. Ку эрнере çырăнсан  74 тенкӗ те 58 пус перекетлеме пултаратăр. Хаçат индексӗ Тутарстанра – П2340, Раççейӗн ытти регионӗсенче – П7093.

Хаçата çыхăну уйрăмне кайса та, Раççей Почтин https://podpiska.pochta.ru сайчӗ урлă та çырăнма пулать.

Чăваш пулар, пӗрле утар!

«Сувар» хаçата вулар!