Паянтан шкул ачисен Пӗтӗм Раççейри олимпиадин регионти тапхӑрӗ пуçланнă

Январĕн 10-мӗшӗнчен пуçласа февралĕн 29-мӗшӗччен Раççей Федерацийӗн пур субъектӗнче те шкул ачисен Пӗтӗм Раççейри олимпиадин регионти тапхӑрӗ иртет. Олимпиадăсем франци чӗлхинчен пуçланса ОБЖпа вӗçленеççĕ. 

Олимпиадӑна хутшӑнакансен хӑйсен пӗлӗвне 24 предметпа кӑтартма пулать. Унта теориллĕ заданисемсĕр пуçне, практика заданийӗсене пурнӑçлассине те кӗртнӗ.

Иртнӗ вӗренӳ çулӗнче регион тапхӑрне 9—11-мӗш классенче вĕренекен 180 пине яхӑн шкул ачи хутшӑннӑ, вӗсенчен 55 пинӗ çӗнтерӳçӗсемпе призерсем пулса тӑнӑ.