Пăшал кайса панăшăн укçа илме пулать

«Енчен те çын тупнă пăшала алли илме хăрать пулсан, унăн полицейскисене чӗнмелле. Вӗсем вырăна çитсе пăшал тупнă факта фиксацилеççӗ те ăна хăйсемпе илсе каяççӗ», – каласа панă Камалиев.

Енчен те çын пăшала хăй килсе парас терӗ-тӗк, унăн ăна çывăхри полици уйрăмне илсе çитермелле е Росгвардин лицензипе ирӗк паракан ӗç уйрăмне. Унта заявлени çырса панă хыççăн полицирен хăй ирӗкӗпе пăшал панине ӗнентерекен квитанцие илмелле. Вăл хута тата паспорт, ИНН, расчет счетне илсе МФЦ-на пымалла. Тӗрӗсленӗ хыççăн документсене ТР Биологи ресурсӗсен патшалăх комитетне парăнаççӗ, унта укçа тӳлес йышăну тăвăнать.    

«Енчен те çын хăйӗн аслашшӗ вилнӗ хыççăн унăн 3 пин тенкӗ тăракан регистрациленӗ пăшалне парать пулсан, вăл 1,5 пин тенкӗ кăна илеет. Енчен те вăл пăшала тайникре тупать пулсан тата унăн лицензийӗн срокӗ тахçанах тухнă-тăк, вăл пăшалăн тулли суммине илеет. Енчен те çын граната тупса полицине илсе килчӗ-тӗк, ăна уншăн 5 пин тенкӗ параççӗ», – хушса каланă уйрăм пуçлăхӗ.   

Укçа калăпăшӗ 15 пин тенке çитме пултарать. Çак суммăна çынсем çар тата службăсем усă куракан саккунсăр хӗç-пăшала панăшăн илме пултараççӗ.

Хальхи вăхăтра Росгвардин Тутарстанри управленийӗнче учетра 44 пин çын тăрать, вӗсенче пурӗ 73 пин пăшал упранать. Камалиев сăмахӗсемпе, пăшалсен хуçисем вӗсене çӗнӗрен регистрацилеме манса кайса час-часах «О незаконном хранении оружия» административлă статья айне çакланаççӗ.