Патшалӑх Думин спикерӗ Вячеслав Володин апрель уйӑхӗнче социаллӑ пенсисен индексацийӗ пирки аса илтернӗ
Пенсисем 8,6 процента индексациленеҫҫӗ. Ҫакӑн ҫинчен тата апрелӗн 1-мӗшӗнчен вӑя кӗрекен ытти социаллӑ законсем ҫинчен Вячеслав Володин пӗлтернӗ
Ун сӑмахӗсемпе, социаллӑ пенсисен индексацийӗ 4 млн ҫынна пырса тивет.
"Ку пирӗн граждансене тӗрев памалли пӗртен-пӗр меслет мар. Маларах пенси индексацине ӗҫлемен граждан тата ҫар пенсионерӗсем валли ирттернӗччӗ. Раҫҫей Президенчӗ палӑртнӑ тӑрӑх, ҫывӑх вӑхӑтра мӗн пур социаллӑ тӳлевсене, ҫав шутра пенсисемпе пособисене ӳстересси пирки те, хушма йышӑнусем пулаҫҫӗ", - тенӗ вӑл.
Ҫавӑн пекех апрелӗн 1-мӗшӗнчен социаллӑ тӗрев илессине ҫӑмӑллатаҫҫӗ, ҫавӑн пекех ют ҫӗршыври Раҫҫей патшалӑх органӗсем ҫинчен суя хыпар сарнӑшӑн уголовнӑй яваплӑх тыттарасси ҫинчен калакан закон та вӑя кӗрет.
Следите за самым важным и интересным в Telegram-каналеТатмедиа
Нет комментариев