Сувар

Паян Раççейре Полици кунне паллă тăваççӗ

Пытарасси çук, хальхи вăхăтра вӗсен ӗçӗ çине тӗрлӗрен пăхакан, тӗрлӗрен хак паракан пур. Анчах та йӗрке хуралçисем тавралăхра тăнăçлăх пултăр тесе нумай тунине те манмалла мар.

Хусанта Росгвардин Тутарстанри управленийӗн служащийӗсем юн плазмин донорӗсем пулса тăнă, вăл республка çыннисене Covid-19 чирпе кӗрешме пулăшать. 12 полицейски Хусанти плазмоцентра килнӗ. Вӗсем пурте коронавиусран прививка тутарнă, организмӗсенче антителосем пур.

Малтан юн плазмине парас текенсем пурте регистраци иртеççӗ, анкета тултараççӗ, унтан вӗсен пӳрнинчен юн илеççӗ. Юнăн пӗтӗмӗшле анализӗ гемоглобин шайне кăтартать тата ытти пӗлтерӗшлӗ информацие. Тӗслӗхрен, инфекциллӗ чирсе çуккине. Енчен те юн нормăра-тăк, малалла донора терапевт йышăнать, вăл этем плазма пама юрăхли пирки пӗтӗмлетӳ тăвать.

Плазмăна юнран вăрахртарах параççӗ – 40 минутран пӗр сехете çити.   

Хусанти плазмоцентрта ӗçлекенсем пӗлтернӗ тăрăх, коронавирусран антителосемлӗ çынсенчен те ахаль плазма та больницасене кирлӗ. Ăна 18 тултарнă çынсенчен илеççӗ. Донациччен ытларах шыв ӗçмелле, çывăрса тăранмалла тата эрех-сăра тавраш ӗçмелле мар.

Росгвардеецсем плазма парас акцине малалла та тăсма шантарнă.  

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: