Пӗкӗлмере пăртан хула тума тытăннă

«Марио» вăййи тăрăх пăр хулине тума палăртатпăр. Варринче Марио керменӗ пулӗ, ун патне пынă çӗрте чăрмавсем пулӗç. Хулана кивӗ телевизор витӗр кӗмелле пулать, ун çумне джойстик вырнаçтараççӗ. Юнашар пăртан тунă лабиринтсем пулаççӗ, тăвайккисем. Вӗсене эпир йӗри-тавра юртан тунă кӗлеткесемпе илемлетӗпӗр. Çакăн пекех лабиринтсем Çамрăксен керменӗн лапамӗнче те пулӗç», – тесе пӗлтернӗ Пӗкӗлмен тӗп архитекторӗ Артем Цокур. Пӗкӗлмен тӗп площадкисенче те Çӗнӗ çула хатӗрленеççӗ. Пӗкӗлмери тӗрлӗрен вырăнсенче вырнаçакан конструкцисенчкен çуррине туса пӗтернӗ ӗнтӗ.