Президент килсе кайни стройка пуҫлама хистенӗ

  Виҫӗ ҫул иртсен Лениногорскра пӑр керменне малалла тума тытӑннӑ

Строительствопа монтаж ӗҫӗсене пӑр керменӗнче 2021 ҫулхи июнь уйӑхӗнче вӗҫлемелле. Объекта 2023 ҫулта хута яма палӑртнӑ. Ҫакӑн ҫинчен строительствона финанслакан "Татнефть" компанин пресс-службинче пӗлтернӗ. 

Проект тӑрӑх, ку хальхи обьект пулать, унта мӗн пур ӳсӗмри ачасем, ҫавӑн пекех аслисем те хоккейла выляма, конькипе илемлӗн ярӑнма пултараҫҫӗ. 

Лениногорскра пӑр керменне 2015 ҫулта района ТР Президенчӗ Рустам Минниханов килсе кайнӑ хыҫҫӑн тума шутланӑ.

2016 ҫулта обьекта тума пуҫланӑ, анчах икӗ ҫул иртсен, объективлӑ сӑлтавсене пула, ӗҫсене "шӑнтса" лартнӑ. Кӑҫал стройкӑна ҫӗнӗрен тапратса яма йышӑннӑ.