Пӗрре ӳсет, тепре чакать чирлисен шучӗ

Ӗнер Тутарстанра 54 ҫынра коронавирус инфекцине тупнӑ пулсан, паян 55 тӗслӗх палӑртнӑ.
Лидерта малтанхи пекех Хусан тата Ҫырчалли. Ҫапах автохулара ӗнер 10 ҫын чирленӗ пулсан, паян унта 3 тӗслӗхе кӑна тупса палӑртнӑ. Хусанта ӗнер 35 ҫын чирленӗ-тӗк, паяна чирлисен шучӗ 43 ҫитнӗ. Районсенчи кӑтартусем пӗрер-икшер ҫынран иртмеҫҫӗ, Ҫӳльту районӗнче кӑна 3 ҫын чирлени ҫинчен паллӑ.
Ӗнер 12 ҫынна пульницана ӑсатнӑ пулсан, паян 17-ӗн палата койкисем ҫине выртнӑ.