Пушкӑртстан чӑвашӗсем ялта культура центрӗ уҫнӑ

Чӑваш культурине упраса хӑварма тӑрӑшакансем – Ямансасри Культура ҫурчӗн заведующийӗ Виталий Филимонович Егоров, "Палан" халӑх ансамблӗн ертӳҫи Людмила Николаевна Кудрявцева, Усылбаш ял библиотекин ӗҫченӗ Ольга Серафимовна Патраева – Пушкӑртстанри чӑвашсен пӗрлешӗвӗ ятӗнчен Хисеп хучӗсене тивӗҫнӗ. Вӗсене халӑх культурине аталантарас ӗҫре пысӑк ӑнӑҫу сунас килет. 

Ҫтерлӗри Чӑваш наципе культура автономийӗн ертӳҫи Федор Кузьмин та ҫак мероприятие хутшӑннӑ. Вӑл культура центрӗ ҫумӗнче пилеш аллеине лартнӑ ҫӗре хутшӑннӑ.