Раççей Правительствин Аппаратне удаленкăна ӗçлеме куçараççӗ

Правительство Председателӗ кăрлач уйăхӗн 21-мӗшӗнчен вице-премьерсен, Правительство Аппарачӗн, федераллă министерствосемпе ведомствосен, вӗсен территорири подразделенийӗсен канашлăвӗсене дистанциллӗ формата куçарма хушнă.

Тата пӗр хушу Правительство Аппарачӗн, федераллă влаç органӗсен, Правительство çумӗнчи Аналитика центрӗн ӗçченӗсене, май пур таран пурне те, удаленкăна куçарассине пырса тивет.  КОронавирусăн çӗнӗ штамӗ сарăлнине кура тухнă хушу кăрлачăн 21-мӗшӗнчен вăя кӗрет.