Республикăра япăх илтекенсем е пач илтменнисем валли ятарлă проект хута кайнă

 Специальноçсен шутӗнче: смета ӗçӗ, бухгалтери, интерьер дизайнӗ. Вӗрентӳ материалӗсене Хусанти инновацилле университетăн YouTube каналӗнче халех тупма пулать. Профессисене ахаль суйламан, ӗç рынокӗнче вӗсем чи кирлисен шутӗнче. Проект хӳттинче онлайн-вӗренӳ иртме виçӗ ушкăн йӗркелеме палăртнă, пурӗ 100 çын ытла. Малашне ку проекта анлăлатса вӗренекенсен шутне ӳстерме тӗллев лартнă.

Сывлăх енчен çирӗпех маррисене пӗлӳ парассипе Раççейре​ йывăрлăхсем çук мар. Тӗп проблема – вӗсемпе ӗçлекен специалист-педагогсем çителӗксӗрри. Çавăнпа университет проект хута ярса​ проблемăна кăшт та пулин çăмăллатма шутланă. Курссене 25 – 60 çулсенчи çынсем хутшăнма пултараççӗ. Вӗренсе пӗтернӗ хыççăн кашни хушма пӗлӗве çирӗплетекен диплом илӗ.