Роботсем çынсен кăмăлсăрлăхне асăрхама пулăшаççӗ

Республикăри пичет тата массăллă коммуникацисен «Татмедиа» агентстви Тутарстан Республикинчи регион управленийӗн центрӗпе пӗрле «Мӗн пулчӗ» («Что сулилось?») телеграм-бота хута янă. Çак сервиспа усă курсареспубликăра пурăнакансем пулса иртнӗ синкер çинчен пӗлтерме пултараççӗ е влаç органӗсен, социаллă объектсен ӗçне лайăхлатасси пирки хăйсен сӗнӗвӗсене çырса яма.

Телеграм-бот «Инцедент менеджмент» системăн пӗр пайӗ пулса тăрӗ. Вăл пулăшнипе Тутарстанри министерствосем, ведомствосем, район администрацийӗсем çынсем социаллă сетьсенче тарăхса е ыйтса çырнисене асăрхаççӗ те вӗсем çине хуравлаççӗ.

Хальхи вăхăтра Телеграм-бот виçӗ сферăри инцедентсем çинчен пӗлтернине йышăнать – «Культура», «Сывлăх сыхлав», «Вӗрентӳ». Ăна хута ярас тесен https://t.me/incident_rt_bot  ссылкăпа кӗмелле е Telegram-ра @incident_rt_bot.
«Что случилось?» бот урлă килнӗ мӗн пур хыпар «Инцедент Менеджмент» ситемăна лекет те вăл е ку ыйтушăн яваплă министерствăна ярса парăнать, лере хурав хатӗрлеççӗ.

«Инцидент Менеджмент» система Тутарстанра 2018 çултанпа ӗçлет. Вăл çынсен йывăрлăхӗсем, социаллă сетьсенче çырнă жалобисем çинчен хăвăрт пӗлме тата вӗсене оперативлă пăхса тухма май парать. 2021 çулта «Инцидент Менеджмент» 39384 çăхава пăхса тухма ӗлкӗрнӗ. Çавăн пекех Тутарстанра 2012 çултанпа «Халăх контролӗ» система ӗçлет, вăл портал çине эрнене вăтамран 4500 çăхав килет.