Сувар

Ҫӗршыв старостин палӑкне Алешкин-Саплӑкра ҫӗнӗрен лартнӑ

Аслисене итлесе ҫамрӑксем ҫӗршыв старастин кивӗ бюстне реставрацилеме Чӗмпӗрти скульптора Николай Кондрашкина явапланӑ

ТАССР 100 ҫул тултарнӑ тӗле Ҫӗпрел районӗнчи Алешкин-Саплӑк ялӗнчи ӗҫ ветеранӗсем Михаил Калинин ятне ахальтен аса илмен. Шӑп ВЦИК Председателӗ М.И.Калинин 1920 ҫулта Тутар Автономийӗ йӗркелесси пирки калакан Декрета алӑ пусса ҫирӗплетнӗ. Ҫакна астуса 1930 ҫулта Алешкин-Саплӑкри ҫӗр ӗҫченӗсем пӗрлешӳллӗ хуҫалӑха Калинин ятне параҫҫӗ. Нумай пысӑк ҫитӗнӳсем тӑваҫҫӗ саплӑксем пӗрлехи ӗҫре. 1968 ҫулта колхоз куҫса ҫӳрекен Хӗрлӗ Ялава илме тивӗҫнӗ, чылай колхозника ҫӗршывӑн орден-медалӗсемпе чысланӑ.
Ҫӗршыв историйӗнчи паллӑ ҫыннӑн бюстне постамент ҫине вырнаҫтарма Калинин ячӗллӗ колхозра нумай ҫул хушши вӑй хунӑ ӗҫ ветеранӗсем ыйтнӑ.
Аслисене итлесе ҫамрӑксем ҫӗршыв старастин кивӗ бюстне реставрацилеме Чӗмпӗрти скульптора Николай Кондрашкина явапланӑ.
Нумай пулмасть ватӑ большевикӑн ҫӗнетнӗ бюсчӗ Саплӑк урамне илемлетме тытӑнчӗ.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: