Сувар

г. Казань

18+
2024 - год Семьи
Çӗнӗ хыпарсем

Ручкӑпа ҫырнӑ калавсене редакци йышӑнмасть, компьютерпа пичетлемелле

ТАВРАПӖЛӲÇӖСЕМ ВАЛЛИ – КОНКУРС, ÇЫРАВÇĂСЕМ ВАЛЛИ – «ШУРĂМПУÇ»

"Сувар" хаçатăн Тăван чӗлхесемпе халăхсен пӗрлӗхӗн çулталăкне халалланă проекчӗсем

2021 çул – Тутарстанра Тăван чӗлхесен тата халăхсен пӗрлӗхӗн çулталăкӗ. «Сувар» республика хаçачӗ çак тӗллевпе икӗ проект пуçарать. Пӗрремӗшӗ – «Шурăмпуç» журналăн черетлӗ номерне кăларасси. Иккӗмӗшӗ – таврапӗлӳçӗсен хушшинче конкурс ирттересси.
Хаклă çыравçăсемпе таврапӗлӳçӗсем! Эпир сирӗнтен илемлӗ литература хайлавӗсем, очерксем («Шурăмпуç» валли), ял историйӗпе, ялтан тухнă паллă çынсем çинчен (таврапӗлӳçӗсен конкурсне)​ публикацисем кӗтетпӗр.
Поэтсемпе писательсен хайлавӗсене «Шурăмпуç» журналта, таврапӗлӳçӗсен материалӗсене «Суварта» пичетлӗпӗр.
Таврапӗлӳçӗсен хушшинче иртекен «Тăван ял – тăван кӗтесӗм» конкурс пӗтӗмлетӗвӗсемпе редакци виçӗ çӗнтерӳçӗ палăртӗ. Материалсене 2021 çулхи ноябрь уйăхӗ вӗçленичченех йышăнатпăр. Пӗтӗмлетӳсене декабрь уйăхӗн пуçламăшӗнче туса çӗнтерӳçӗсене палăртăпăр. Парнесем укçан пулӗç. Асăрхаттарни: конкурса яракан материалсен калăпăшӗ 8 страницăран (А4 хут çине 14-мӗш размерлă шрифтпа пичетлени) ытла пулмалла мар.
«Шурăмпуç» журнал валли хайлавсене 2021 çулхи апрелӗн 15-мӗшӗччен йышăнатпăр. ТР ЧНКА çумӗнчи Чăваш çыравçисен союзӗн пайташӗсемпе пӗрле «Сувар» хаçат çумӗнчи «Сунтал» литпӗрлешӳ чи лайăх хайлава суйласа илсе унăн авторне Петӗр Хусанкай ячӗллӗ премие пама йышăну тăвӗ.
«Шурăмпуç» журналпа «Тăван ял – тăван кӗтесӗм» конкурс валли компьютерпа пичетленӗ материалсене хаçатăн suvar@mail.ru электронлă адресӗпе ярса памалла. Алăпа çырнă хайлавсемпе материалсене редакци йышăнмасть.

«Сувар» хаçат редакцийӗ.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев