Сувар

г. Казань

18+
2024 - год Семьи
Çӗнӗ хыпарсем

СĂВĂ ÇЫРАКАН ПРОФЕССОР – ĂСЧАХ

Pифат Джамалович Курбанов Арск районӗнчи Мирзям ялӗнче 1951 çулхи октябрӗн 1-мӗшӗнче çуралнă. Совет, Раççей ăсчахӗ, сăвăç. Ветеринари ăслăлăхӗсен докторӗ (1990), профессор (1991). ​ ТР наукăн тава тивӗçлӗ ӗçченӗ (1998), ТР наукăпа техника енӗпе патшалăх премине (1999) тивӗçнӗ. 1999 – 2003 çулсенче Хусанти патшалăх ветеринари академийӗн ректорӗ пулнă. ТР искусствăсен тава тивӗçлӗ ӗçченӗ (2021).

Литературăпа ачаранах кăсăкланма пуçланă, шкултах сăвăсем çырнă, лирикăпа философилле сăввисенчен чылайăшӗ Арск район хаçатӗнче, ​ çавăн пекех, ​ «Идель», «Казан утлары» журналсенче, «Медени жомга», «Ватаным Татарстан», «Шехри Казан» хаçатсенче пичетленнӗ. 1996 çулта ​ унăн сăввисен пӗрремӗш «Чун чӗнӗвӗ» кӗнеки пичетленсе тухнă. Çавăн пекех вăл «Чул çинчи чечексем» (2010), «Чун кӗввисем» (2011), «Çунать манăн чӗрем» (2014) тата ытти сăвă кӗнекисен авторӗ.​

1998 çултанпа ТР Писательсен союзӗн пайташӗ. Пӗлтӗртенпе союз председателӗн çумӗ. Ш.Маннур (2011), Х.Такташ ячӗллӗ литература премийӗсен лауреачӗ. ​

Паян сире Рифат Джамал сăввисемпе паллашма сӗнетпӗр.

Рифат ДЖАМАЛ

ЭПӖ

Ан хăй чаплăлатма –

Эп паттăр пулайман,

Хушмастăп вăрçкалашма –

Мӗскӗнлӗхе тухман.

Кӗвӗçӗвне путар –

Манра курсассăн пӗркӗт,

Хăратмалла та мар –

Эп ăсан мар вӗт, йӗкӗт.

Ан васкăр лăпкама ​ –

Çитмест сăпайлăх ман,

Ан хистӗр макăрма –

Чуна чулран туман.

Ан сарăр халăхра:

«Вăл çын та мар», – тесе.

Ансатлăх çеç чунра,

Ăша туйма пӗлсен. ​ ​ ​ ​

* * *​

Пирӗн ӳсӗмре,

Çуллахи кун та ăшăрахчӗ,

Çумăрӗсем те вăйлăрахчӗ,

Хӗлле пӗренене çуратчӗ,

Ӳкерчӗк тӗслӗ ​ тӗлӗкре.

Халӗ ӗнтӗ

Çулла та шăрăх мар,

Çумăрӗсем те шӗвӗрех...

Тен, çул иртсессӗн эпӗ те –​

Чунпа, юнпа та сивӗрех?

​ ​ ​ ​

САКĂР ВУННĂРА ЭПӖ

«Ачалăхра. Тиха пек кӗçенсе​

Уй-хирсемпе сиккелесе çӳреттӗм.

Çитӗнейсен асам Тулпарӗпе​

Пӗлӗтсене хул хушшине чикеттӗм...» –

Йӗвенсӗрех хир лашилле чупса – ​ ​ ​ ​

Хам шăпана тивӗç шая çитертӗм. ​ ​

Халь ак, тӗнче çыхса,​

​ ​ ​ ​ ​ ​ ​ ​ ​ ​ ​ ​ ​ ​ кӳлсе хурсан –​

Туртари ват лаша евӗр чикӗнтӗм. ​ ​ ​ ​ ​ ​ ​ ​

* * * ​

Епле илемлӗ çут тӗнче,

Çил лăпкă, канăçлă кăна.

Этемӗсем çеç темшӗн-çке,

Вăрçса хӗртеççӗ таврана.

Тен, кăткăс çак тамашаран,

Хальхи пăлхав саманара

Сывлать вулканăн çӗр çи тек,

Çилсем улаççӗ кашкăр пек.​

​ * * *​

Пысăклатрӗç – нумай çыркалатчӗç

Лайăхне те, япăххине те,

Хурласа та нумай асăнатчӗç,

Тӗрӗсне, шутласа тупнине. ​ ​ ​ ​ ​ ​ ​ ​ ​ ​ ​

Тусăмсем йышлă ман, тăшмансем те,

Нумай патăм эпӗ, нумай илнӗ те.

Памаллисем пур, илмеллисем те.

​ ​

* * * ​

Ӳсӗмӗмре

Радиопа юрлакансене ​ – ​

Сассемпелех уйăраттăмăр.

Халӗ ӗнтӗ

Телевизорта

Хăтланăвӗсене кура паллатпăр. ​ ​ ​ ​

* * *​

Кӗвӗсӗр купăсӗ,

Çурчӗсӗр никӗсӗ.

Арсем хӗрарăмсăр,

Çурт ача-пăчасăр.

Ялӗсемсӗр масар.

Халăхсемсӗр пасар. ​ ​ ​ ​ ​ ​

* * *​

Ӳснӗçем ку тӗнчере

Чăтăмлăх кирлех.

Çăлтăрсем патне çавах

Туртăнать чӗре. ​ ​ ​ ​ ​

* * *​

Кӗрхи ăшă кунпа танлаштарсан​

Параççӗ шанчăк çурхи сивӗ каçсем.

«Телейлӗ ватлăх» тееççӗ пулсан,​

Епле ăнланас, ку чăн е шӳт çеç. ​ ​

* * *​

Ан шырăр пирӗшти

Çын хушшинче –

Çуралнă тӳпере тет çунатли, ​ ​

Этемӗ – çӗр çинче.

* * *​

Савнă çыннăм пур,

Юратнă ӗçӗм пур,

Çумра мăшăр çунат –

Юрат, татах юрат. ​ ​

* * *​

Шап-шур чечекрен –

Хураран та хура хурлăхан!.. ​

​ ​ ​

Тутарларан Евгений ТУРХАН​

куçарнă.

И.Кузьмина сăнӳкерчӗкӗ.​

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев