Сентябрӗн вӗçӗнче Хусанта Чăваш культура кунӗсем иртеççӗ
Тутарстанри Тăван чӗлхесемпе халăхсен пӗрлӗхӗн çулталăкне халалланă кунсем тӗрлӗрен культура мероприятийӗсемпе тулаççӗ – спектакль, кино, концерт
Чăваш театрне кăмăллакансем сентябрӗн 21-мӗшӗнче Г.Камал ячӗллӗ театрта «Шуйттан чури» икӗ пайлă мистикăллă драмăна курма пултараççӗ. Ăна Я.Ухсай трагедийӗ тăрăх К.В.Иванов ячӗллӗ Чăваш патшалăх академи драма тетарӗ 19:00 сехетре кăтартӗ.
Сентябрӗн 22-мӗшӗнче 19:00 сехетре ТР Халăхсен Туслăхӗн Çуртӗнче «Чăвашкино» патшалăх киностудийӗ Алексей Енейкинăн «Кунта тăшман ури ярса пусмӗ» («Сюда не ступит нога врага») ятлă вырăсла-чăвашла телефильм кăтартӗ. Ăна 1941-1942 çулсенче Сăр тата Хусан оборона линийӗсене тăвакансене халалланă. Фильма ӳкернӗ çӗрте чăваш театрӗсен артисчӗсем хутшăннă.
Сентябрӗн 23-мӗшӗнче Халăхсен Туслăхӗн çуртӗнче Чăваш патшалăх юрăпа ташă ансамблӗн пысăк концерчӗ пулать. Куракансем пирӗн халăхăн чи паха юрри-ташшипе паллашӗç. Концерт 19:00 сехетре пуçланать.
Следите за самым важным и интересным в Telegram-каналеТатмедиа
Нет комментариев