Шкулсенчи хӑш-пӗр классене кӑна карантина янӑ

Грипп тата ОРВИ сезонӗ "уҫӑлнӑран" Тутарстанри 5 шкулта тӑхӑр класа карантина хупнӑ. ТР Вӗрентӳпе наука министерстви пӗлтернӗ тӑрӑх, шкул ачисене вӑхӑтлӑх изоляцие килӗсене янӑ.
Хусанти виҫӗ шкулта тӑватӑ класа хупнӑ, Менделеевск районӗнчи шкулта – тепӗр тӑватӑ класа, Анат Кама районӗнчи шкулта – пӗр класа. 
"Министерство шӑнса пӑсӑлнӑ чирсене пула миҫе клас, миҫе ача дистанциллӗ вӗрентӳ ҫине куҫнине кунсерен тимлесе тӑрать",– тесе палӑртнӑ Вӗрентӳпе наука министерствинче.
Тутарстан шкулӗсенче ачасем ирхинехи фильтр урлӑ иртеҫҫӗ, пӳлӗмсене уҫӑлтарса тӑраҫҫӗ, урайсене дезинфекцилесе ҫӑваҫҫӗ.
Вӗренекенсене пӗр ҫӗрте йышлӑн пуҫтарӑнма памалла мар, учительсен маска режимне пӑхӑнмалла.