Шыв тасатма та, выльӑх апачӗ валли те

 Ҫӗпрел районӗнчи цеолитсем ют ҫӗршывсемшӗн кӑсӑклӑ. Минерал пирки Казахстанри, Беларусь от, Катарти, Сауд Аравийӗнчи бизнесменсем калаҫусем ирттереҫҫӗ.

Ҫакӑн ҫинчен Ҫӗпрел районӗн пуҫлӑхӗ Марат Гафаров пӗлтернӗ журналистсене.

"Халӗ пирӗн производство – килти чӗрчунсем валли наполнительсем кӑларасси. Цеолитсем ют ҫӗршывсенче те кирлӗ. Унти ӳсламҫӑсем цеолитсене минераллӑ удобренисем тума, выльӑх апаине хушма туянасшӑн. Ман шутпа Сауд Аравийӗпе Катар контракт алӑ пусма хатӗрленеҫҫӗ ӗнтӗ", – тесе палӑртнӑ вӑл.

Ҫавӑн пекех цеолитсене шыва тата сывлӑша тасатакан системӑсенче усӑ курма пулать. Хальхи вӑхӑтра ҫак минералӑн вӗтӗ фракцийӗсене Мускав юхӑншывне тасатмашкӑн туянаҫҫӗ.