Ӗҫсӗррисем ҫавах нумай-ха

Эрне хушшинче Тутарстанри ӗҫ биржисенче тӑракансем 3,5 пин ҫынна чакнӑ. Ҫапах вӗсем сахалӑн мар-ха – 62,7 пин ҫын. Иртнӗ эрнере ӗҫпе тивӗҫтерекенсем соискательсене 2874 вакантлӑ ӗҫ вырӑнӗ сӗннӗ, тесе пӗлтерет ТР Ӗҫ министерствин пресс-служби.
Пурӗ республикӑри ӗҫлӗх службисенче 48,2 пин ваканси пур. Ҫӗнӗ ӗҫсӗррисенчен 750 ҫын малтан официаллӑ ӗҫленӗ пулнӑ, 28 ҫын предприятийӗ хупӑннипе е штат чаракнипе ӗҫсӗр тӑрса юлнӑ.