Станислав Вороновӑн куравӗнче ытларах чӑваш культурипе ҫыхӑннӑ ӳкерчӗксем

 Йошкар-Олара Станислав Вороновӑн  "Сире хӗвел парнелетӗп" ятлӑ куравӗ уҫӑлнӑ. Чӑваш Енре ҫуралнӑ хӑрушсӑрлӑх хӗсмечӗн генерал-лейтенанчӗ халӗ Мускавра пурӑнать. Ҫапах та унӑн Шупашкарти, Хусанти, ытти хулари чӑвашсем хушшинче юлташӗсем нумай. Курава Чӑваш наци конгресӗн, ТР ЧНКА Канашӗн представителӗсем те хутшӑннӑ.

Хӑй тӗллӗн вӗреннӗ художник 33 ӗҫ тӑратнӑ. Жанрсем тӗрлӗрен: пейзаж, натюрморт, портрет, сюжет композицийӗсем. Чӑваш культурипе ҫыхӑннӑ ӳкерчĕксем куравра уйрӑм вырӑн йышӑнаҫҫӗ.