«Сувар», «Техӗмлӗ»

«Чăваш Ен — хăмла производствин центрӗ» Компетенцисен центрӗн «Ароматный» тата «Сувар» икӗ çӗнӗ хăмла сортне Патшалăхăн селекци çитӗнӗвӗсен реестрне кӗртни çинчен Чăваш Республикин пуçлăхӗн Олег Николаевăн Телеграм-каналӗнче çырнă.

Çак савăнăçлă хыпара Раççей наукин кунӗнче пӗлтерни уйрăмах савăнтарать. 

Хăмлан çӗнӗ сорчӗсене илессипе чăваш селекционерӗсем çичӗ çул ӗçленӗ, тăрăшни тӳрре тухнă.

Олег Алексеевич тухăçлă ӗçшӗн ЧР Ял хуçалăх министерствине тата Чăваш аграри университетне тав тăвать. Ку çитӗнӳ малашне те отрасле аталантарма хавхалантарасса шанни çинчен калать республика ертӳçи.