"Сувар" ҫырӑнма вӑхӑт ҫитрӗ

Хаклă вулаканăмăрсем! Республикăри тата Раççей регионӗсенчи чăвашсен пурнăçӗ, хамăр халăхăн культурипе историйӗ, йăли-йӗрки, пултаруллă çынсем çинчен тӗплӗн каласа паракан кăларăм мӗн ятлă? Тӗрӗс – «Сувар». Çак пичет кăларăмӗ Хусанта тухма пуçланăранпа кăçал 29 çул çитет. 29 çул юратса вулаççӗ «Сувара» тăван Тутарстанра та, çӗршывăмăрăн чăвашсем йышлă пурăнакан ытти регионсенче те. Тавах сире, шанчăклă тусăмăрсем, пирӗнпе пӗрле пулнăшăн!

Халӗ вара «Сувара» 2022 çулăн 2-мӗш çур çулне çырăнма пулать.

Хаçата çыхăну уйрăмне кайса та, Раççей Почтин podpiska.pochta.ru сайчӗ урлă та çырăнма май пур. «Сувар» индексӗ Тутарстанра – П2340, Раççейӗн ытти регионӗсенче – П7093.

Чăваш пулар, пӗрле утар – «Сувар» хаçата çырăнар!