Суйласа илмелле: 950 тенкӗ е соцпакет

ТР сывлӑх сыхлав министрӗн пӗрремӗш ҫумӗн Альмир Абашевӑн сӑмахӗсемпе, республикӑра 1,2 миллион рецептпа 1,5 миллиард тенкӗлӗх льготниксене эмелсемпе тивӗҫтернӗ. Ку вӑл пирӗн ватӑ ҫынсем илекен эмел пулӑшӑвӗн калӑпӑшӗ. Ҫак системӑна заявлени ҫырса таврӑнса ӗлкӗрме пулать. 

Федераллӑ бюджет шутӗнчен кирлӗ эмел препарачӗсемпе тивӗҫтерекен программа 2005 ҫултанпа ӗҫлет. Октябрӗн 1-мӗшӗччен льготниксен кирлӗ йышӑну тумалла: социаллӑ ҫӑмаллӑхсен пуххине хӑвармалла е ун вырӑнне укҫа компенсацийӗ илмелле. Укҫа компенсацийӗн калӑпӑшӗ пысӑках мар – уйӑхне 950 тенкӗ.