Сувар

Сӗве урлӑ каҫакан кӗперӗн иккӗмӗш пайне ҫурри таран туса пӗтернӗ

Кӗпер патне илсе пыракан ҫулсем ҫинче сасӑран хӳтӗлекен экрансем 2,4 километра ҫити тӑсӑлӗҫ, ҫавӑн пекех ҫутӑ кӗрет тата тимӗр барьерсем, навигаци паллисем пулаҫҫӗ

М-7 трасса ҫинчи кӗперӗн 126 метрлӑ пролечӗ валли 16 металл конструкцийӗн блокне пуҫтарнӑ. Унӑн виҫи пӗтӗмӗшле 925 тонна ытла таять. Специалистсем пӗрремӗш юрапан тӑваттӑмӗш ҫине 294 метр тӑршшӗ металл конструкцийӗ лартнӑ. Хальхи вӑхӑтра кӗпер тӑвакан шупашкарсем хӗрринчи пролет валли конструкци пуҫтараҫҫӗ. Ӑна юпасем ҫине май уйӑхӗнче лартма палӑртнӑ. Пӗтӗмӗшле илсен, Ешӗлвар районӗнчи кӗперӗн иккӗмӗш линине 50% туса пӗтернӗ. 

Кӗпер патне илсе пыракан ҫулсем ҫинче сасӑран хӳтӗлекен экрансем 2,4 километра ҫити тӑсӑлӗҫ, ҫавӑн пекех ҫутӑ кӗрет тата тимӗр барьерсем, навигаци паллисем пулаҫҫӗ.

Исхаково поселокӗнче пурӑнакансем валли ҫул урлӑ ҫӳлтен каҫса ҫӳремелли каҫӑсем тата автобус чарӑнӑвӗсем, ҫуран ҫӳремелли ҫулсем тӑваҫҫӗ.

М-7 трасса ҫинчи 757-мӗш километрти Сӗве урлӑ каҫакан кӗперӗн реконструкцине 2019 ҫулта "Хӑрушлӑхсӑр тата паха автоҫулсем" наци проекчӗпе тума тытӑннӑ. 

 

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: