Сувар

Сывӑ пурнӑҫ йӗркине шкулсенчен пропагандӑлама пуҫласшӑн

Тутарстанри медиксем коронавирус пандемиипе ӑнӑҫлӑ кӗрешни – этемӗн сывлӑхӗ чи хаклӑ ресурс пулнине тепӗр хут кӑтартнӑ

Тутарстанра "Сывӑ пулар!" информаципе ҫутӗҫ проекчӗ тапраннӑ тесе пӗлтерет Сывлӑх сыхлав министерствин пресс-служби.
"Пирӗн "Сывӑ пулар!" пуҫару никӗсӗнче Рустам Миннихановӑн президент программи. Вӑл сывӑ пурнӑҫ йӗркине, чир-чӗр профилактикине, тӗрӗс апатланнине, гигиена нормисене пӑхӑннассине, ӗҫпе кану режимне пырса тивет», − илсе кӑтартнӑ пресс-службӑра республикӑри сывлӑх сыхлав министрӗн Марат Садыковӑн сӑмахӗсене.
Тутарстанӑн Сывлӑх сыхлав министерствин тӗп тӗллевӗ – республикӑра пурӑнакансене усӑллӑ хӑнӑхусем патне явӑҫтарасси тата хӑйсен сывлӑхне упрасси.
Министр сӑмахӗсемпе, Тутарстанри медиксем коронавирус пандемиипе ӑнӑҫлӑ кӗрешни – этемӗн сывлӑхӗ чи хаклӑ ресурс пулнине тепӗр хут кӑтартнӑ.
"Ҫывӑх вӑхӑтра эпир республикӑри хыпар хатӗрӗсенче тата социаллӑ сетьсенчи Тутарстанӑн официаллӑ аккаунчӗсенче информаципе ҫутӗҫ публикацисене вырнаҫтарма палӑртатпӑр. Аудиторипе ҫыхӑнмалли тепӗр канал – телевидени пулать. Унта тематикӑллӑ передачӑсемпе экспертсенчен илнӗ интервьюсем пулаҫҫӗ",– ӑнлантарнӑ министр.
Унсӑр пуҫне, Вӗрентӳ министерствипе пӗрле хутшӑнса Сывлӑх сыхлав министерстви шкулсенче ачасем валли тематикӑллӑ клас сехечӗсем ирттерме хатӗрленет.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: