Сувар

г. Казань

18+
2024 - год Семьи
Çӗнӗ хыпарсем

Тайгари чăваш ялӗнче çын шучӗ ӳснӗ

Раҫҫейре халӑх ҫыравӗ пырать. Хула ҫыннисем, тен, кун пек хӑнасене хапӑл мар. Анчах Красноярск крайӗнчи Казанка ялӗнче пурӑнакансем вӗсене кӗтсе илме хавас, тесе пӗлтерет Чăваш халăх сайчӗ https://chuvash.org

Ялта 249 ҫын пурӑнать, вӗсен 98 проценчӗ – чӑвашсем.

Ял-хуларан аякра вырнаҫнӑ Казанкӑра халӑх шучӗ чакнӑ тетӗр-и? Ҫук. 2010 ҫулта унта 240 ҫын пурӑннӑ. Кӑҫал 9 ҫын ытларах. Унта ҫынсем ял хуҫалӑхӗ тытаҫҫӗ, ачасем ҫуратса ӳстереҫҫӗ. Халӑха ялта юлма мӗн хистет-ха? Унта ҫитме ансат мар: Галанино сали таран машинӑпа темиҫе сехет каймалла, унтан паромпа Енисей урлӑ каҫмалла та 50 ҫухрӑм парӑнтармалла. Тавралла – тайга. Красноярскран ҫитме 5 сехет кирлӗ.

Ҫырав ирттерекенсене унти чӑвашсем наци тумне тӑхӑнса ҫӑкӑр-тӑварпа кӗтсе илнӗ. Унта тӗнче тетелӗ ҫукпа пӗрех. Ҫапах стационар телефонсем, спутник антеннӑсем пур. Ҫынсем унта ҫыхӑнусӑр пурӑнаҫҫӗ темелле, кунӗ-ҫӗрӗн телефонра чакаланмаҫҫӗ. Автобус вара тӑтӑшах ҫӳрет.

Казанка ҫыннисем культура ҫуртӗнче пӗчӗк музей йӗркеленӗ, унта йӑх несӗлтен юлнӑ япаласене пухнӑ. Ҫынсем чӑвашлах калаҫаҫҫӗ, наци уявӗсене паллӑ тӑваҫҫӗ, юрра-ташша манмаҫҫӗ. Шкулта ҫулталӑкне пӗрре чӑваш эрнине ирттереҫҫӗ. Ялта клубсӑр пуҫне 9 класлӑ шкул, ФАП пур. Кӳршӗри Александровкӑра – ҫул-йӗр служби тата ял канашӗ. Ҫавӑнта ҫеҫ ҫынсем валли ӗҫ вырӑнӗсем пур. Ҫавӑнпа ҫынсем кил хуҫалӑхне тытса пыраҫҫӗ, ытларах килте туса илнӗ аш-какайпа, сӗт юр-варӗпе пурӑнаҫҫӗ.

Пирӗнтен инҫетри Красноярск крайӗнче, тайгара, чӑвашсем чӑвашла калаҫнине итлеме питех те кӑмӑллӑ. Пирӗншӗн вӗсем тӗслӗх пекех…

Следите за самым важным и интересным в Telegram-каналеТатмедиа


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев