Тольяттире – чӳклеме!

Самар облаçӗнчи нумай фольклор ансамблӗ хутшăнчӗ Тольяттири йăлана кӗнӗ «Чӳклемене». Кашни мӗнпе-тӗр тӗлӗнтересшӗн куракансене. Пӗрисем пилеш çырлисенчен пуç кăшăлӗсем туса тăхăннă, теприсем тӗрленӗ çăм чăлхасем тăхăнса сцена çине тухаççӗ. Виççӗмӗшӗсем хурăн милӗкӗсемпе «Чӳклеме» килнӗ  тума... Купăс калаканнине те «çапса» ячӗç Елена Иовлева репертуарӗнчи юрра юрлакансем.

Паллах, кукăльсем пӗçерсе, сăра вӗретсе килекенсем те нумайăнччӗ кӗр уявӗнче. Çапах та йăларан тухса çӗнӗ мода кăларакансене курма кăсăклăччӗ. (Автор сăнӳкерчӗкӗсем).