ТР Сывлӑх Министерствин тӗп эпидемиологӗ тӳрӗ эфирта коронавирусран вакцинаци тӑвасси ҫинчен каласа парӗ

Ыран, апрелӗн 14-мӗшӗнче, Instagram урлă "Вакцинация от Covid-19. Успеть до 3-ей волны." темӑпа тӳрӗ эфир иртет.

Тутарстанра мӗнле вакцинăсем пур? Республикӑра миҫе ҫын вакцинӑланӑ ӗнтӗ? Мӗншӗн ют ҫӗршыва каяс умӗн прививка тумалла? Вакцинаци сертификатне илмелли йӗрке мӗнле?

ТР Сывлӑх Министерствин тӗп эпидемиологӗ Дмитрий Лопухов ҫак тата ытти ыйтусем ҫине хуравлӗ.

Онлайн-трансляци 11:00 сехетре Тутарстан сывлăх министерствин тата республика Оперативлă штабӗн Instagram-аккаунчӗсенче иртет.

Калаҫу модераторӗ - ТР Вице-премьерӗ Лейла Фазлеева.