Тукай районӗнчи яла выльӑхсен урнӑ чирне пула карантина хупнă

 "Чӗрчунсем урнӑ чирпе чирленине кура Тукай районӗнчи Ҫӗнӗ Сарайлӑ ялӗнче карантин кӗртес", – тенӗ право информацийӗн порталӗнче пичетленӗ документра.

Карантина юлашки выльӑх чирленӗ хыҫҫӑн икӗ уйӑхран пӑрахӑҫлаҫҫӗ. Чарусен вӑхӑтӗнче палӑртнӑ территорире килти чӗрчунсене сутма, вӗсене ялтан илсе тухма юрамасть. Чирлӗ выльӑхсене аша валли пусма, сывӑ чӗрчунсен сӗтне вӗретмесӗр ӗҫме, сывӑ чӗрчунсен тирӗпе ҫӑмне дезинфекцисӗр ялтан илсе тухма юрамасть.