Турцири çынсемшӗн чӗре ыратать

Булент Байрам профессор Адына хулинчен, çӗр чӗтревӗ вӗсен хулине те аркатнă. Телее, унăн тăванӗсем хушшинче вилнисем çук. Анчах та Турцири виçӗ хула пӗтӗмпех арканнине шута илсен – трагеди масштабӗсене Арменири çӗр чӗтревӗпе танлаштарма пулать пулӗ. Ун чухнехи инкек 21 хулапа 324 яфла пырса тивнӗ, 25 пин ытла çын вилнӗ.

Кун пек масштаблă инкек чухне нумай çын вилни гуманитарилле кризис патне илсе çитерет. Службăсем ӗçлесе ӗлкӗреймеççӗ. Мӗншӗн тесен кунашкал çут çанталăк пулăмне никам та кӗтмест, ун патне хатӗрленме май çук.

Тутарстан Раисӗ Рустам Минниханов республика Правительствине Турцире пурăнакансем валли гуманитари пулăшăвӗ пухма хушнă. Йӗркелӳ ыйтăвӗсен кураторӗ Лейла Фазлеева вице-премьер. Турцин генеральнăй консулӗпе пӗрле вăл республикăри предприятисем чи кирлӗ япаласене пуçтарассине тимлесе тăрӗ.

Пулăшас текенсемшӗн ятарлă счет уçнă.

Реквизитсем:

Благотворительный фонд «АК БАРС СОЗИДАНИЕ» ОГРН 1061600052425 ИНН/КПП 1658079690/165701001 р/с 40703810100020000999 в ПАО «АК БАРС» БАНК БИК 049205805 К/с 30101810000000000805 Назначение платежа: Помощь жителям Турции