Туркменистана икӗ пин "Камаз" каять

Туркменистан Тутарстанран 2 пин "КАМАЗ"  машина туянать. Унсӑр пуҫне республикӑра карапсем те, ял хуҫалӑхӗнче ӗҫлеме самолётсем те кирлӗ. 

Туркменистан ертӳҫи Гурбангулы Бердымухамедов Хусанти Кремльте Рустам Миннихановпа тӗл пулнӑ чухне ытти ыйтусене те сӳтсе явнӑ. Тӗслӗхрен, ҫӗршыв нумай техника туянать пулсан, унта сервис центрӗсем те сахал пулмалла мар. Хальлӗхе Туркменистанри икӗ облаҫра "Камазӑн" сервис центрӗсем ҫук. Бердымухамедов сӑмахӗсемпе, ҫакӑ чӑрмавсем кӳрет. 

Туркменистан делегацийӗ пысӑк, ӑна Тутарстанри малта пыракан, экспорт таварӗ туса кӑларакан предприятисен продукцийӗн куравне кӑтартнӑ хусансем. 

Хӑнасем Сабантуйра та пулса курнӑ.

"Татар-информ" сӑнӳкерчӗкӗсем.