Сувар

г. Казань

18+
2024 - год Семьи
Çӗнӗ хыпарсем

Тутарсем ачисене садикренех виҫӗ чӗлхе вӗрентме хатӗрленеҫҫӗ

Чӑваш пуҫлӑхӗсене хӑҫан ӑс кӗрет? Темшӗн эпир чӗлхе политики ҫине питӗ сӳрӗккӗн пӑхатпӑр. Ачасемпе садикра вырӑсла кӑна калаҫсан вӗсем ӑҫтан чӑвашла вӗренччӗр?

 

Тутарстанра шкул умӗнхи нумай чӗлхеллӗ вӗрентӳ Концепцине хатӗрлесе ҫитернӗ. Ҫакӑн ҫинчен ТР Вӗрентӳпе наука министрӗ Ильсур Хадиуллин пӗлтернӗ.
"Концепци никӗсӗнче шкул ҫулне ҫитмен ачасене вырӑс, тутар, акӑлчан чӗлхисемпе вӗрентсе воспитани парас, ачасене Раҫҫейӗн нумай халӑхлӑ культура пуянлӑхӗ патне явӑҫтарас, нацисем хушшинчи килӗшӳ йӗркипе воспитани парас  тӗлӗшпе условисем йӗркелесси",– тесе палӑртнӑ вӗрентӳпе наука министрӗ.
Хадиуллин палӑртнӑ тӑрӑх, Хальхи вӑхӑтра тутар, акӑлчан чӗлхисемпе калаҫакан воспитательсене шырас , вӗрентмелли программӑсен тытӑмне хатӗрлесе ҫитерес ӗҫ пырать.
"Енчен те юлашки ҫулсенче эпир шкул ҫулне ҫитмен ачасене икӗ чӗлхе никӗсӗнче вӗрентесси сине пусӑм тӑваттӑмӑр пулсан, халӗ ачасен нумай чӗлхеллӗ вӗрентӗвӗ актуаллӑ пулса пырать", – тесе палӑртнӑ ТР Вӗрентӳпе наука министерствин ертӳҫи.
Аса илтеретпӗр, Тутарстанра Минтимер Шаймиев пуҫарнипе тата Рустам Минниханов тӗрев панипе полилингвальлӗ вӗрентӳ комплексӗсене тӑваҫҫӗ. Кӑҫал Хусанта тата Елабугӑра "Адымнар" ("Утӑмсем") комплекссем уҫӑлчӗҫ.

 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X